المحرر الرباط
على ما يبدو، فإن مغني الراب لي صدقات ليه فواحد الوقت من الاوقات، تاق فراسو اكثر من اللازم، و ولى كايصنف نفسو ضمن لائحة الشخصيات المؤثرة، و هاد الشي لي بان من خلال آخر فيديو نشرو عبر صفحته الفايسبوكية.
الثقة فالنفس الزائدة عن اللزوم، دفعات مسلم لمطالبة المغاربة يخليوه ترونكيل، و يلجؤوا ليه في المهمات الصعبة، و كأننا أمام المهدي المنتظر، ولا شي شخصية فوق العادة من شأنها تغيير الامور و المستجدات.
و بما أن سي مسلم كايعتابر نفسو رجل المهمات الصعبة، فلابأس أنه ينشاغل بالمهمات داخل وزارة الثقافة لي كاتعطيه فلوس صحاح على أغاني يسود فيها الضجيج و الخوا الخاوي، و ينكب على التحضير لمهرجان موازين و الاشهارات ديال دير يديك.
على العموم، لي خاص مسلم يعرف، هو أن جزء كبير من المسببات في هاد المقاطعة، هوما الاغاني ديالو لي كاتبنى التغيير، و كايدعي من خلالها مسلم الدفاع عن مصالح الطبقة الكادحة، و التصريحات ديالو كاضرب فالمصداقية ديال الاغاني ديالو اساسا.