المحرر الرباط
سي رميد، وزير العدل و الحريات، كايتشكي و يبكي و يقول بلي هو غير مسؤول على الانتخابات، بدعوى أن الداخلية مابقاتش كاتشاور معاه كيما كانت، و كأنه كان كايدير شي حاجة فاش كانت كاتشاور معاه ولا كان كايقدر يعارض و يفرض القانون.
المشكل هو أن السي رميد مني كانوا كايتشاورو معاه سحاب ليه راسو راه وزير بصح، و هو مايقدرش حتى يرد لواحد مظلوم فمحكمة حقو، بدعوى عدم التدخل في اختصاص القضاء، و هو نفس الشخص لي ماقدرش حتى يبث فملفات المجلس الاعلى للقضاء لحد الان.
و دابا ا سي رميد اش كتكون انت باش باش يتشاورو معاك؟ و شنو درتي واسمن مواقف بطولية بيتني عليها فهاد 5 سنوات باش اتشاورو معاك ولا يخافو منك و يديرو ليك حساب؟ و لنفترض أن التدوينة ديالك صحيحة، مالك كاتشكي فالفايسبوك؟ وا دافع على راسك و على حقوقك كوزير عدل بهدلوه.
وا سي رميد، عنداك يمشب بالك بعيد…. انت راك غير مكلف بالضواسا ديال موظفي العدل، و بالتنقيلات ديالهم، يعني انت غير حشمو يحيدو هاديك الوزارة كاع و خلاوها و داروك فيها ضارب الملاين فالشهر، و كايخلعو بيك الموظفين باش يجيو للخدمة مع 9 ديال الصباح، أما شي حاجة اخرى راه غير تهيئات و كايجيب ليك دماغك… و الا قدرتي فهاد الوقت دير العدل غير فالتعدد راك غادي للجنة.