القصة كاملة ( ديال فيديو القتل و للاغتصاب ) .
البنت لي شفنا فالفيديو الله يرحمها سميتها حنان فعمرها 27 سنة بنت الكزا فالرباط … الوحش الادمي لي قتلها من بعد ما اغتصبها الاسم ديالو عبد الواحد ولد المراكشية ساكن فالملاح رباط كذلك … فايت مشدود اكتر من مرة و فايت رجال الأمن ضربوه بالقرطاس باش شدوه ( عندو سوابق بالتجارة فالمخدرات الضرب و الجرح ) … حنان كانت معاه فعلاقة غرامية و كان كفرض عليها تمارس دعارة باكدال ( كوقفها فشارع الابطال و كتخلص هو ) … مور اخر شدة ليه خرج بقا حنان تبدلات يعني حيدات من ديك طريق و تعرفات على واحد ولد الناس عندو حانوت فالكزا … سيدة مابقاتش باغا ديك طريق و بغات دير وليداتها و دارها … ديك الليلة المعلومة من بعد ما عركها قرقوبي قام باستدراجها للمنزل ديالو تما وقع لي وقع ( شفتو الفيديو ) … مورا ما سالا حصة التعديب و الاغتصاب خرجها الشارع أمام الناس و شد مطرقة بقا كيضرب ليها فراسها حتى قتلها فعز الشباب ديالها .
هادشي داز عليه شهر ؛ المجرم شدوه رجال الأمن فنفس النهار و قدموه للمحاكمة بتهمة القتل العمد مع سبق الاصرار و الترصد … مورا ما خرج الفيديو هاد الايام الإدارة العامة للأمن الوطني خرجات بيان شرحات فيه الحيتيات كاملة و دارو مذكرة بحت فحق مصور الفيديو .
#طلب_شعبي
دابا بغينا وزارة العدل تعطي شي حكم لي يبرد الرأي العام فحق هاد المجرم و كذلك هدو الوحوش لي اغتاصبو الطفل رضا بمكناس … و أضعف الإيمان هو الإعدام .