المحرر متابعة
بنبركة كانت عندو علاقة مع الموساد وكان كيتخلص من جهاز المخابرات الإسرائيلية، هادشي قالو نشرو مؤرخ إسرائيلي معروف بالاهتمام ديالو بالمغرب والعلاقات الإسرائيلية المغربية، وكتب “ايغال بن نون” في حوار منشور اليوم فمجلة “موريخيت موروكو” اللي كتهتم بالعلاقات اليهودية المغربية فموقعها الالكتروني، وهاد المقتطف منو بالحرف غير هو بالدارجة.. “هادشي في 28 مارس 1960، سيفطت غولدا مايير مبعوث خاص ديالها، سميتو ياكوب كاروز، وهو الذراع الأيمن لرئيس الموساد إيسر هارل، باش يتلاقا مع المهدي بن بركة، والمهدي طلب من الإسرائيليين الفلوس ودعم مالي للحزب، وهادشي اللي كيفسر كيفاش كان فالمنفى الثاني فأوروبا كيتوصل براتب شهري من إسرائيل عبر وساطة من ألكسندر إيسترمان عن المؤتمر اليهودي العالمي، لكن العلاقات بين بن بركة وإسرائيل غادي تخسر فاش طلب من كاروز، ودون تردد مده بأسلحة، ليستعملها حزبه وقتما أراد، حينما يعلن الثورة ضد النظام وباش يتسلم السلطة، وابتداء من هذا اللقاء، نصحت غولدا مايير السفير ديالها فباريس، باش تبقى تحتاط من المهدي، ونقصت إسرائيل علاقاتها معه، وتراجعت على الصالير الشهري اللي كانو كيسيفطو ليه، ودورت الاتجاه للقصر.. وهادشي كيفسر الخطاب المعادي لإسرائيل الذي ألقاه بن بركة بالقاهرة.” كاين بزاف ديال المعطيات مازالة ناقصة فملف المهدي بنبركة، وفالوقت اللي كيمشي الجميع يناقش شكون قتل المهدي بنبركة، معلومات أخرى كتبان ماشي مهمة أو مهمة بزاف لدرجة كتخوف..
الصورة من اليمين جورج بيردوغو. آنيط شوراكي. اندري شوراكي. المهدي بنبركة. الشخصية الخامسة غير معروفة
عن با بو بي