المحرر الرباط
لايزال عدد كبير من المتتبعين، يحاولون استيعاب الاسباب الحقيقية، وراء التزال عبد الاله بنكيران الصمت، بعدما تفجرت قضية خدام الدولة التي تخللها الكشف عن اسماء وازنة استفادة في وقت مت الاوقات من مساحات شاسعة مقابل أثمنة رمزية تحت ذريعة خدام الدولة، المرسوم الوزاري الذي صودق عليه ابان حقبة عبد الرحمان اليوسفي.
بنكيران لي معروف بفمو المحلول، و الانتقاذات الغير محسوبة العواقب، ما نطق بحتى كلمة من بعد ما انتشر خبر خدام الدولة، و الادهى من كل هذا، هو أنه دار بلاغ طلب فيه من خوتو فالحزب، باش يضربو الطم و يشوفو و يسكتو، بدعوى أن الصمت حكمة… اوا مني الصمت حكمة أ سي بنكيران، علاش لسانك ما وقر حتى واحد فهاد الدولة، و مني ساليتي مع لمغاربة مشيتي للامارات كاتشرمل فيها؟؟؟
المهم أ خوتي، لخبار لي دايرة اليوم، هو أن سيهم بنكيران، طلع حتى هو واحد من خدام الدولة، و كان غير كايشارجي التبن على صحابو فالحزب بحال أفتاتي، و صدق حتى هو مستافد من بقعة قال ليهم ديروها فاسم المدام، زعما الا تفضح يقول ليهم أنا ما عندي والو داك شي كولو ديال مدام نبيلة….
واش مدام نبيلة كاتصايب دوليبران لي عندها مدارس خصوصية و فيلا فحي الليمون تجيب زوج ملاير و الفيلا لي كاتبنا فحي الرياض و زيد و زيد؟ وا جاوبنا أ سي بنكيران ولا الصمت حكمة؟؟